Вай даьша даь къаьнара селинг корадир лоамашкара
ЖӀайрахьа-Ахабоарзен паччахьалкхен музея болхлошта бӀоагӀа хьисапе дола селинг корадир лоамашкара. Лохера Пхьуй яхача моттига 1200 метр дӀаховахача да из. Вай къаман истори, культра, Ӏадаташ тахкара тӀехьа лоархӀаме моттиг дӀалоацаш да гучадаьнна элгац.
«Ноахал» яхача оагӀон кулгалхочун гӀонча волча ГӀогӀанаькъан Я. белгалдечох, кхыдолча селингашта тара доацаш, царел дикка доккхагӀа, чура кӀийле шерагӀа я цун. Еррига еха я из. Иштта дола селингаш вай культуран оагӀонца дувзаденначарна юкъе эггара дукхагӀа нийслуш да», - дийцар «Сердало» газетага лоаман музея болхлоша.
ДӀабахьа безаш бола болх чакхбаьккхачул тӀехьагӀа, вай къаман культуран селингашта юкъе чӀоагӀдергда из. Дикка кулг тохаш тоадича, тӀехьа тӀакхувш латтарий вахаре ший моттиг дӀалоацаргья цо.
