Цу лоархӀамеча гӀулакхах бӀарчча цӀай хилар аьттонга, кердача коталонга кхача ловча берашта. «Сердало» газетага из хоам бир дешареи Ӏилмани гӀулакхех йолча министерствера.

«Моттигера «Бералла наькъаш» яха проект кхоачашъярга хьожаш волча Колой Саида, дика салаӀарал совгӀа, шоай кхетам лакхбе, Даьхен вахаре пайдане хургдараш Ӏомадеш, къахьега даькъалабийцар доакъашхой», - йоах тхога бенача хоамо.

Проекта юкъе дакъа лоацарий аьттув ба керда нах бовза, шоашта ховр дӀа-хьа эца, начӀал дӀагойта. Цу проекто бераш Ӏомадергда тоабанца къахьега; гонахьарча нахаца, шоашта хетар майрра дӀаоалаш, цхьана болх дӀабахьа; иштта тайп-тайпарча оагӀонашцара кхетам лакхбе.