Гӏалгӏайчен лоамашка FLYLAB парапланеристий хьалхара фестиваль дӏайолайир
Гӏалгӏайчен Жӏайрахьа кхале хьалхара хулаш я, FLYLAB гӏетташ йола аппараташ юкъейоахаш, дӏахьош йолча спорта фестиваль. Цига гулвелар 32 пилот. Дукхагӏбараш Гӏалгӏайче хьалхара боагӏаш бар, царна яйра тамашийна лоаман мехка хозаленаш.
Хьаьшашта кийчъяьяр лаьрххӏа культуран программа. Фестивала доакъашхошта гуш яр гӏалгӏай къаман исторе оагӏонаш, ӏадаташ, уж хул Гӏалгӏайчен лоаман дагалоаттама моттигашка, цар чам боаккх къаман даарах, иштта къамаьл хул моттигерча бахархошца.
Гӏалгӏайчен кулгалхочо Келаматанаькъан Махьмуд-ӏаьлас ма аллара, из фестиваль хӏара шера дӏаяхьа лерхӏ. Цу тайпара кхетаченаш дӏахьош хиларо таро лу республике керда салоӏама оагӏонаш дегӏайоалае.
Хьалхарча фестивало хьагойт, Жӏайрахьа кхален ӏалама хозал наьха теркам тӏаозаш, цкъа хиннар шозлагӏа юхава догдоагӏийташ йолга. Къаьстта керда лакхаленаш яхара тӏакхувш болча спортсменашта из эшаш да.
