Гӏалгӏайчен кхоллама паччахьалкхен колледже, зӏамига концерт хилар
Доккха доаца концерт делар Гӏалгӏайчен кхоллама паччахьалкхен колледже, цо хьагойтар мел лоархӏаме да «юкъара фортепиано» яха ӏилма дӏаволалуш волча ашархочунна. Хьехархочо Олмазанаькъан Анжелас ший халкъа, вокальни отделеней шоллагӏча кур- са студенташца цхьана кийчйир безаме программа.
«Фортопиано ховш хиларо вокалисташта, халкъа ашархошта хьалхашка йоккхий таронаш хьаел: цар новкъостал ду партитура къоастае, оаз хьахазар дегӏадоаладе, репертуара уйла а дикагӏа кхетам болаш ю. Цу концерте студенташа гойтар шоашта рояль - из шоллагӏча мугӏарера йоаца инструмент хилар, кхыдараш санна дукха беза гӏирс болга.
Хьожаш хиннарашта боккха салоӏам хилар тайп-тайпара ашарий оагӏонаш хаза йиш хиларах», - аьлар «Сердало» газетага цу дешара моттиге.
Фортепиано - ашарий массайола оагӏув дика тӏаэцара дола дӏоагӏа да. Хургболча вокалисташта из ца хилча даргдоацар да.
Дӏадихьача концерто хьагойтар, «юкъара фортепиано» кхоллама таронаш йоаржаеш хилар, цунца цхьана цо новкъостал ду кхоллам - из сага дег чура дуне довзийташ йола оагӏув йолга кхетаде.
