Хоамий технологеш йоаржаярах, дийцар паччахьалкхен университете
24.05.2024 10:32
Республикера хоамий технологеш йоаржаяра хетаяь, Ӏилман-довзара конференци дӀайихьар паччахьалкхен университете. Физико-математически факультете хилар из. Ӏилман, дешара, бизнеса оагӀонашцарча кердача технологеех дийцар вӀашагӀкхетаре.
«ӀТ оагӀонцара 13 проект гойтар «Хоамий технологеши царца дувзаденнараши» яхача кафедра студенташа. Царна юкъе яр интернет-тика, Python йола викторина, берий компьютерацара викторина, PDF болх бе эша программаш, иштта кхыдараш а», - дийцар «Сердалога» ГӀалгӀай паччахьалкхен университета зарбан болх лелабераша.
Ӏилман конференце шоашта ховр дӀа-хьа эца, кхетам лакхбе эшаш дола цхьацца кердадараш довза аьттув баьлар студентий.
