ИнгГУ зӀамигача футбола майда хьайийллар
«Физически культуреи спорти йоаржаяр» яхача программага гӀолла; футболах ловза, ада керда доазув хьадийллар университете. Цу кхетаче дакъа лоацаш хиннача вай мехкадас Келаматанаькъан Махьмуд-Ӏаьлас баркал аьлар университета кулгалхошта, беррига болх боаггӀача боараме чакхбаьккха хиларах.
«ИнгГУ спорта лаьрхӀа доазув къоастадар вай мехка беркате, лоархӀаме да, хӀана аьлча моллагӀа пайда беш дола гӀулакх – йоккха дегагӀоз я вайна», - белгалдир Мехкадас.
ИнгГУ кулгал деча Ӏалбаканаькъан Фатимайна тӀадиллар республикан кулгалхочо университете дешаш бола кхыча мехкашкара студенташ республике дӀакхухьача тайп-тайпарча кхетаченашта юкъеоза, аьнна. Мехкадас белгалдир, кхычарца бувзам лелабе царна хало долга, цу оагӀонца царна гӀо дар, цар хьал аттачахьа даккхар лоархӀаме долга.
Белгалде деза, университета кулгалхой спортацарча гӀулакха дикка терко е лаьрхӀа болга, дукха ца говш хьаелла лерхӀ волейбола, иштта кхыдолча спорта оагӀонашта лаьрхӀа моттигаш.
