«Цу балха хьал дийцар ГӀалгӀай Республике гӀолла волча Росреестра урхаллен кулгалхочунца Борисов Андрейца. Цу соцамах, 2027 шера наджгоанцхой бетта 1-ча денга кхачале моттигаша йистебаккха безаш ба доал деча даькъ тӀара, юрташкара, доазон тӀара моттигаш къоастаяь хилара болх, из дӀабахьийта беза ЕГРН юкъегӀоргболаш.

Иштта йистебаккха безаш ба, хьлхагӀа лаьрхӀа хинна гIишлош лелаяра бокъонаш гучаяхара болх. 2023 шера, наджгоанцхой бетта 1-ча денга кхачале, из болх йистебаьккха хила безаш бар», - аьлар ГӀалгӀай Республикан кулгалхочо Келаматанаькъан Махьмуд-Ӏаьлас ший телеграм-канале.

Белгалду, карарча хана республике электронни картографе кӀийле чӀоагӀъеш я, кадастрови балхий чаккхенга хьежжа.

«Урхалле, хьалхарча аргӀагIа, паччахьалкхен кадастрови учёт хилийтара дола декхараш кхоачашдеш я, иштта культуран тӀехьален гIишлошта регистраци яра бокъо а хургйолаш, цул тӀехьгӀа уж ЦаӀ йолча паччахьалкхен дӀа-юха лелаш доацача боахамий реестра юкъейолхаш а хургйолаш.

Келаматанаькъан Махьмуд-Ӏаьлас тӀадиллар, цу юкъейоагӀаш йолча республикан урхалленашта, массахана тӀахьожам лоаттабар, сиха хоам бар, паччахьалкхен программа кхоачашъяра балхах из лархӀар. Цу тайпара, боккхача теркамца тӀахьожам лоаттабе лаьрхӀад цо, лаьттанца дувзаденна дешаш кхоачашдара.