1200 даьккхача хьонках, тахан 900 доаккх
30.01.2024 10:24
Хьонк дукхабезараш кӀезига бац вай мехка. Юххьанца цун мах лакха лаьттабале а, хӀанз кӀеззига Ӏолохлуш латт. Из хоам бер ва «Сердало» газета корреспондент.
«Эггара хьалха хьабаьнна хьонк маьха база хул. ЦӀенбаьча хьонка мах 1100 тӀа, 1200 тӀа латтар; цӀенбанза болча хьонка мах 450 сом бар.
Таханарча дийнахьа мах лохбеннаб. ЦӀенбаь хьонк эца йиш я 900, 950 тумах, хӀаьта маьчеш йоахкар-м тахан а 450 туман тӀа латт», - йоах тхогарча хоамо.
Хьонк массахана дарбане лоархӀаш хиннаб, вай мехкахошта геттара чӀоагӀа хоза хетача даарех а ба.
ХӀаьта хьонка маьчеш эхьа, царех хьабаь берхӀа бӀарччача шера тайп-тайпарча даарех бетташ, буаш латташ хул дуккхабарий истола тӀа.
