Къона спортсменаш вӏашагӏтехар физкультурникий Дено
Физкультурникий Денна хетадаь цӏай хилар Долакха-Юртарча ФОКе. «Россе низ» яхача боламга, «Цаӏ йолча Россе» «Берий спорт» яхача проектага гӏолла дӏахьош болх бар из. Керттера декхар - адам спорта тӏахьехар.
«Наьсарен кхален пхе ФОКера спортсменаш бар яхьашка дакъа лаца гулбеннараш. 60 метр хьалхавоаларгах удаш, турника тӏа ийлуш, муш дӏа-хьа увзабеш, геракаш ийеш, хӏаравар ше-ше котвала гӏертар цу дийнахьа. Котало яьккхараш бар ӏалбаканаькъан Ислам (60 метр вадар), Дударанаькъан Ибрахӏим (турника тӏа ийвалар), Бохтаранаькъан ӏумар (кулгаш ӏогӏертадеш ийвалар), Йовлой Бадрудин (муш дӏа-хьа увзабар), Зурабанаькъан ӏабдаллахӏ (геракий спорт). Совгӏаташца белгалбир котбаьнна спортсменаш», - дийцар «Сердалога» «Цаӏ йолча Россе» республикерча оагӏонца.
Вай мехка спорт, физкультура йоаржаеш бехктокхаме къахьегарах, Наьсарен кхален ФОКий кулгалхошта, единороссашкара баркал оалаш, каьхаташ делар.
