Футзалах йолча берий чемпионата гӀадвуг
25.02.2025 15:00
ГӀалгӀайчен футзалах йолча берий чемпионата чуйоагӀаш, «Магас» спорта цӀагӀа дӀадихьар «Ангушт-МаӀалбик», иштта «Динамо-Магас» тоабашта юкъера ловзараш, яхаш, дийцар «Сердало» газетага футбола Федераце.
Цу яхьашка хьажа вера 12 футболист. Котало яккхара футболах ловзар дукха дезараша шоай мел бола низ тӀабахийтар. Хьалхарча даькъе «Ангушт-МагӀалбик» викалаша шоашца ловзаш хиннарий наӀарашка 3-зза бургац чутехар.
ХӀаьта а Магасерча спортсмений ка яьлар из хьал шоашкахьа а даьккха иштта юха кхоъ бургац цар наӀарашка чуяккха.
ТӀеххьара, ловзар чакхдоалаш, «ангуштхоша» аргӀанара бургац чу яьккхар, ловзар йистедаьлар чот 4:3 йолаш «Ангушт-МагӀалбика» тоаба котйоалаш.
