ГӀалгӀайче кийчлуш я Россе Президента хоржамаш дӀадахьа
09.02.2024 00:12
Россе Президента хоржамаш дӀадахьа кийчо яра хетаяь яр МагӀалбика кхален администраце дӀайихьа хинна кхетаче. Цига дакъа лоацаш хиннача Йовлой Мусас белгалдир, кхадж тассара болх дӀачӀоагӀбар лоархӀаме да, аьнна, иштта цо хьалхадаьккхар массе оагӀорахьара цу балха эшаш дола хӀама кхоачашдаь хила дезилга, цу хоржамий даькъ тӀа массанахьа дӀахьош бола болх хӀама гойтача камерашца Ӏалашбаь хила безилга.
«МагӀалбика кхален хоржама комиссе доакъашхошта, из проект дӀахьош тӀахьажа безарашта хьалхадаьккхар цар бокъонаш малагӀаш я, хьалхашка латта декхараш а довзийтар.
ДукхагӀча даькъе дийцар дар наха юкъе дӀабахьа безача балхаца дувзаденна хаттар», - аьлар «Сердало» газетага доал деча даькъ тӀа зарбан болх лелабераша.
