ГӀалгӀай къаман
юкъара газет

Кердадараш

ГӀалгӀайчен Кулгалхо ваха хилар «ГIоазота кашамашка»

ГӀалгӀайчен Кулгалхо Келаматанаькъан Махьмуд-Ӏаьла вахар, 1992 шера гурахьа боабаьча наьха «ГӀоазота кашамаш» мишта тоадаьд хьажа. Боккха болх ба, бехк боацаш, хӀирашта-гӀалгӀашта юкъе хиннача хатарах байнача наьха кашамаш тоадеш, «Сафмар» яхача Гуцаранаькъан Микаила ганзо дӀахьош латтар.

«ГӀоазота кашамаш» дола моттиг я эггара чӀоагӀагӀа наха лоархӀаш яр. Укхаза дIабехка боахк 1992 шера хиннача хатаро, бехк боацаш, боабаь нах. Кашамашка каст-кастта шоай наха маьл кхайкабе хьаух цар гаргара нах. Цудухьа цига деш долча балхашта лаьрххӀа терко лоаттаю, иштта болхлошкара хьадехар а да лакха. Деррига балхаш йистедахара дисар ши кӀира совгӀа мара дац. Со тешаш ва, деррига а дика даь даргда, аьнна. Кердадаьхача дагалоаттама кашамашка 1992 шера гурахьа хинна хатар дагалоацаш йола кхетаче дӀаяхьа лерхӀ аргӀанара шу дузаш. Маьждиг кердадаьккхад, (маьл кхайкабеш, дуӀаш дара) кашамашка дӀачувоаллачара цӀа а тоадаь даьннад. Ламазаш ду цӀа а тоадаьд. ДӀайха хургдолаш тоадаь, тӀера барзкъа хьалъолла моттиг а яь, кийчдаьд из; цу юххерча ламаз эцача цӀен хий дӀаухаргдола моттиг тоаяьй. Цул совгӀа, къаьнара карт дӀа а яьккха, керда карт еш латт. Деррига кашамаш дола моттиг чулоацаш хьалъергья из карт, даьсса долча даькъ тӀа баьццара гаьнаш дӀайогӀаргья. Кашамий доазон тӀа, йила никъ болча, массанахьа плитка Ӏоюлларгья. Керттера кулг теха хиларал совгӀа, сагӀийна дийнача бежана дулх дӀадекъара, мовлат дешара йола моттиг а къаьста хургйолаш кийчъеш я», - аьлар ший телеграм-канале Келаматанаькъан Махьмуд-Ӏаьлас. Белгалдоаккх, Гуцаранаькъан Микаила ганз хӀанз массадола ГӀалгӀайчен бусалба а кераста а наьха кашамаш тоадеш йоаллилга. «Сердало» газета корреспонденташа каст-каста дувц из дика гӀулакх мишта дӀадода.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде