Чӏоагӏа дийлхача догӏах телха тока хьал, меттаоттадеш хилар мехка
Цӏаьхха, геттара чӏоагӏа денача догӏах дӏаяьнна хинна ток юха меттаоттаеш баьхкар мехка. Из хоам «Сердалога» бир Паччахьалкхен зарбан болх лелабераша.
«Геттара чӏоагӏа мух хьекхаш, ди къувкъаш денача догӏо толхаяьча моттигий хьал меттаоттадеш баьхкар «Къилбаседа Кавказа Россетий» - «Ингушэнерго» филиала болхлой. Ийслагӏчох ах сахьат даьннача хана 80% бахархошта ток меттаоттаяь баьннабар уж», - йоах тахан тхога бенача хоамо.
Ер шу дукха догӏаш латташ дера вай мехка. Тока тӏахьожам лоаттабу болхлой геттара чӏоагӏа фийла хила безаш хул, къаьстта догӏаш латтача деношка. Шолжа-Шахьарера, Наьсарера токацара кхоачамбоацараш меттадоаладаьд цар; 0,4 Кв чуденнача дехарашка гӏолла болх чакхбоаккхаш ба уж карарча хана.
Шолжа кхален моттигашка боаггӏача боараме чакхбаьккхаб болх, ток массадолча цӏеношка йолаш я. Эбарга-Юрта, Берда-Юрта, Арште къахьегаш боахк болхлой тахан.
