Кхалсагагара 30 эзар сом лочкъадаь зуламхо лохаш я полици
Наьсарерча Россе ОМВД болхлой болча латкъа енача кхалсага дийцар; малаш ба ца ховча зуламхоша ахча дихьад ший, аьнна. «Сердалога» из хоам бу МВД.
«Кхалсага белгалдечох, цун балхарча кулгалхочун цӏерах хоам хьатӏабенаб телефона тӏа, 30 эзар сом ахча дехаш. Из ший кулгалхо ма вий, аьнна, дог тийша хиннача кхалсага «Лев Долгов» яхача цӏерах хиннача карта тӏа из ахча дӏатӏатессад. Цул тӏехьагӏа, ший кулгалхочунца бувзаме яьлча мара хайнадац цунна, ахча дехаш хиннараш зуламхой хиннилга», - йоах ӏаьдалгара бенача хоамо.
Интернете гӏолла зулам даьр лохаш да ӏаьдал. МВД массаза санна кхайкарал ду бахархошка укх наькъа а, боккъал а шоаш ӏеха ма дайта, бокъонцахьа оашош хьанна лу таьхке мара ахча дӏатӏа ма тувса, малашб ца ховча нахаца бувзаме ма дувла! Гаргарча, вовзача сагагара ба, яхаш, ахча дехаш хьатӏабенача хоамах ма теша, деррига а цкъа хьалхагӏа тахка деза. Нагахьа тийшаболх хиннабале, цхьа минот ца йоаеш ӏалаьмате чехка хоам бе ӏаьдала болхлошка.
