Чарахьал деш лелаяь топаш дӏаелар Наьсарерча бахархоша ӏаьдалга
Чарахьал де ухаш лелаю топ, поатронаш дӏаелар полицега Наьсарерча вахархочо. Из хоам «Сердалога» бир мехкарча МВД.
«Наьсарерча Россе ОМВД полице болхлочунга, 1996-ча шера дӏаваьннача ший дас лелаяь топ дӏачуелар мехкахочо», - йоах тхога бенача хоамо. Цу дийнахьа, Наьсарерча Россе ППС ОМВД болхлоша къамаьл даьчул тӏехьагӏа, ше вахача коара шийна кораяь, вахар хаьдача даь хинна топ дӏачуелар цхьаькха мехкахочо.
Кхоалагӏчо цхьан хана ший даь - даь хинна ИЖ - 18 топ, цунцара ши поатрон дӏаелар ӏаьдалга. МВД тохкама-криминалистически моттиге хьожаш ба цу герзага.
МВД болхлоша бахархой тӏахьех шоай цӏагӏа уллаш дола герз, шоашта балийна ца доалийташ, ӏаьдалга дӏачудалара, доккха дика даьраш, хила тарлуча зуламах шоаш кӏалхардаьхараш хургда шо тӏаккха.
