Гӏалгӏайчен тоабо дика толам баьккхар, Нальчике наьк дарах яхь дӏахьош
Гӏалгӏайчен гулъяьча тоабо дика толам баьккхар, Нальчике мехкашта юкъера наьк дарах йола яхь дӏахьош, яхаш, дийцар «Сердало» газетага ГӏР спорта Министерстве.
«Къулбехьен федеральни курани Къилбаседа Кавказа федеральни курани 14 наьк дара клубера 250 спортсмен вера Гӏаьбартой-Балкхарой республике дӏахьош хиннача яхьашка дакъа лаца. Коталон моттиг яккхара яхьебаьлар Гӏалгӏайчен, Ставропольски края, КБР, Къилбаседа-хӏирий, Къулбехьен Хӏирий республикай викалаш.
Вай республикера цига вахар 9 саг. Лаьнанаькъан ӏимрана (16-18 шу) дото майдилг яьккхар 100 метр долча даькъ тӏа, иштта шиъ борза совгӏат 50 метр совгӏа наьк дарах, 50 метр (брассом) аркъала уллаш наьк дарах.
Мартазанаькъан Мухьаммад (16-18 шу) шозза шоллагӏча моттига лагӏа тӏа ваьлар - 50,100 метр «дельфин» оалача кепара наьк дарах. Мержой Дене (10-11шу) «дото» совгӏат даьккхар, 100 метр аркъала уллаш наьк дарах, иштта борза совгӏат а даьккхар аркъала уллаш ник дарах. Мержой Альберта (12-13 шу) кхоалагӏа моттиг яьккхар; когашца, кулгашца болх беш; наьк деш 100 метр вахарах», - аьлар хоамо.
Из болх лелабераша тхога ма аллара, цу яхьашка котало яьха спортсменаш кийчбаьр ва ГӏР наьк дара Федераце тренер Малсаганаькъан ӏамархан, из вар уж накъабоахаш хиннар.
