«Биъ бутт хьалха малхадаьлар из бер, 600 грамм мара доацаш. Реанимаце, тӀаккха ханал хьалха малхадаьннача берашта дарба деш йолча моттиге иллар из. Ди, бийса ца къовсаш къахьийгар цу даькъ тӀарча лораша, из бер меттадоаладе гӀерташ. Даьла къахетамца, деррига дика чакхдаьлар», - йоах тхога бенача хоамо.

Бер иштта тоаденна арадаларах, мах баь варгвоаца совгӀат лоархӀ цига къахьегача лораша. «2023-ча шера ханал хьалха малхадаьнна 4923 бер дар вайцига, царна юкъера 402 бер геттара зӀамига, дегӀа дозал кӀезига долаш дар. Иштта долча берашта доал де, царга хьажа мел эшар долаш да тахан вайцигарча бераш деча моттиге», - йоах тхогарча хоамо.

Тахан дарбанчешка хьадаьннача, лакха мах болча кердадарашка гӀолла, иштта хала хьал дола бераш меттадоаладе аьттув боал, Даьла низаца.