ГӀишлош еча даькъ тӀа гӀуозлой мехкара саг велар
02.12.2023 20:48
Наьсаре Московски урам тӀа 116 оалача моттиге хьалъеш латтача гӀишлон тӀара бетона Ӏоакъа харцарах хатар хилар. Цхьа саг, 1991 шера ваь гӀуозалой мехка вахархо дарбанче хьалчувугача юкъа велар. ШоллагӀвар лозаваьв, йоккха йоацаш човнаш яь.
Цунах дийцар «Сердало» газетага ГӀалгӀай Республике гӀолла йолча МЧС ГУ болхлоша.
«Из гӀишло кхозза вӀаштӀара еш лаьттай. ШоллагӀча, кхоалагӀча гӀаташта юкъера бетона боагӀий чудоттача хана, дӀаоттаяьча ардакхашта дозал хьал ца лоалуш, харцар бахьан долаш, аьшкабетон сецаяц», - аьлар чоалханерча хьалах болча боахаме.
ЦӀера кхерамзлен а нах хатарех кӀалхарбахара а тоабаш я цига къахьегаш.
