ГӀалгӀай мотт дегӀабоалабара проект дӀайолаяьй
Наьсарен-Шахьаре хьалхара кхетаче хилар, ГӏалгӀай Республике гӀолла йолча, «ГӏалгӀай мотт йовхьамашца, дешашца» яхача Ерригроссийски халкъашта юкъерча проекта чуйоагӀаш.
Карарча шера из проект, моттигерча Миннаца грант а луш хьаллаьцар, аьлар «Сердало» газетага цу моттиге.
«Тахан Наьсаре гулбелар шахьара ялх дешара моттигера йоккхагӀча классай дешархой. Ерригача тоабаша истори, литература, къаман белгалонаш дика ховш хилар хьагойтар. Яхьан чудоагӀаш хиннача даькъ тӀа, бераша гойтар литературни кхолламах оттабаь театра гойтам.
Яхьаш чакхъяьлар Наьсарен-Шахьара №1 йолча лицея котало а йоаккхаш. Царел дукха тӀехьайисанзар СОШ №2, кхоалаг1ча моттиге дӀанийсъелар №3 йола юкъера ишкол», - аьлар тха газетага хоам баьраша.
Белгалду, из проект, гӀалгӀай мотт лорабара, из дегӀабоалабара, из дукхагӀа бувцаш, язбеш лелабара кагирхой терко тӀаозаш я.
