«Турпалхо» яха тӀема гӀулакх довзийта ловзараш дӀадоладеннад
06.12.2024 14:35
ГӏалгӀайчен къона бахархой дакъа лоацаш ба, тӀема гӀулакх довзийташ долча «Турпалхо» яхача ловзарашка. Из йоккха кхетаче дӀахьош я Шолже, оагӀой бетта 3-ча денгара,13-ча денга кхаччалца. Из хоам бир «Сердало» газетага ГӏалгӀай Республикан кагирхой туризма Министерствос.
Тӏема-патриотически даькъ тӀара кхетаче дӀаяхьа лаьрхӀар ГӏалгӀайчен кагирхой политикан, туризма Министерствос, мехка кулгалхочо Келаматанаькъан Махьмуд-Ӏаьлас могадаь. Шахьара аренашка хьожаргба, доакъашхошта фу карагӀдоал, тоабашта бекъабенна дӀахьоча ловзарашка.
Из болх вӀашагӀбеллараша лаьрхӀад вай кагирхой оамал йовза, духьалъотталуш хилар миштад хьажа, Даьхенцара цар безам мел ба тахка», - аьлар тха газетага.
