ГӀалгӀай къаман
юкъара газет

Кердадараш

Программированех йолча чемпионате котбаьннарий цӀераш яьхар

Республикан «Кванториум» берий технопарке чакхъяьлар «Электрон» яхача электроника программировани яра йола мехка тӀеххьара яхьаш.

Цу чемпионате дакъа лоацаш бар 6-10 классашкара дешархой, уж бар мехка тайп-тайпарча моттигашкара баьхка, цар цӀераш хӀанз ховш я. Хьалхара моттиг яьккхар Бедери Сеид-Хьамзата, из ва Магас-Шахьара лицея-берий беша дешархо.

ШоллагӀа моттиг яьккхар цу дешара моттигерча викало Албохчанаькъан Зубейрас. КхоалагӀа моттиг елар кхелахоша «Кванториумерча» Баркинхой Раянайна.

«Чемпионат дӀахьош я информационни технологех, электрониках дешархой дикагӀа кхетаргболаш», - аьлар «Сердало» газетага ГӀалгӀайчен Ӏилман, дешара министерствон зарбан болх лелабераша.

Яхьаш дӀахьош массехк технически декхар кхоачашде дезаш хилар, уж дувзаденна дар, электроникаца болх бе хой хьожаш. Электронни схема хьа а яьста, юха вӀашагӀйолла хой хьежар, микроконтроллёрашца болх бара йола прогрмман код язъе хой а хьежар.

Цу тайпара декхараш кхоачашде магарал совгӀа, уж кхы а дикагӀа Ӏомабелар электроникан программировани еча даькъ тӀа болх бе, цига белгалдир бераш дика кхеташ хилар а, керда технологеш йовза безам болаш хилар а.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде