Гӏалгӏай мехка белгалйир, Даькъастен дикагӏа йола ишколашкара кӏалхарваккхара тоабаш
Гӏалгӏай мехка чакхъяьлар Ерригроссийски ӏӏӏ-ча яхьий ах финал. Из дӏахьош яр, Даькъастен федеральни куран кӏалхарбахара ишколай тоабашта юкъе. Цига вӏашагӏкхийтар эггара денал дола, кадай йола, дика кийчо яь ерригача республикера бераш.
«Из дукха сатийса путёвка яккхара яхьеяьнна хилар Даькъастен чӏоагӏагӏа йола тоабаш. Уж яхьаш дӏахьош хиннача дерригача деношка дешархоша гойтар лакха говзал, барт, бехктокхам хилар. Из программа нийсденна хьал бокъонцахьа долаш санна вӏашагӏъелла дӏахьош яр. Бераша гойтар хиво ӏохьош вола саг кӏалхарваккхар мишта хила деза, хьалхара новкъостал дар, иштта эггара халагӏа бола технически никъ бар гойтар», - аьлар «Сердало» газетага цӏерах кӏалхарваккхара Гӏалгӏайчен корпусе.
Къовсам боккъонцахьа дӏахьош бар, массайолча оагӏорахьара белгалбаьлар дикагӏбараш. Йоккхагӏа йолча тоабанна юкъе котало яьккхар (Гӏаьбартой-Балкхарой Республикан Нальчик-Шахьара №6 йолча юкъерча ишколо) «Цӏена дог» яхача тоабо; шоллагӏа моттиг яьккхар «Тӏахьожам» яхача тоабо (Нохчий Республикан А. Айдамирова цӏерагӏча №39 йола юкъера ишкол), кхоалагӏа моттиг - «Дроновцаш» яхача Къилбаседа Хӏирийчен Троицкое юртарча юкъерча ишколо.
Зӏамагӏбарашта юкъе дошув даьккхар «Сатувсара зӏанараш» яхача Гӏалгӏай Республикан Эбарга-Юртарча №2 йолча СОШ дешархоша; дотув даьккхар Гӏаьбартой-Балкхарой Керда Балкхаре яхача юртарча СОШа «Тигр» яхача тоабо; борза совгӏат даьккхар «Цӏена дог зӏамагӏбараш» яхача Гӏаьбартой-Балкхарой Республикан, Нальчик-Шахьара №6 йолча СОШа бераша.
Уж яхьаш вӏашагӏъехкар яр Ерригроссийски кӏалхарбоахарий студентий корпус. Кхетаче дӏайихьар «Кагирхой, бераш» яха къаман проект кхоачашъеш; иштта Россе дешара Министерствос, Росдетцентро, Ерригроссийски «Смена» яхача берий центро хьаллоацаш.
