Республике бицбац къаман драматургаш
Ӏаьлий-Юртарча культуран цӀагӀа дӀайихьар цӀихезача поэта, прозаика, драматурга Чахкенаькъан СаӀида кхоллама наькъа хетаяь кхетаче. Из хоам тха «Сердало» газетага бир из гӀулакх вӀашагӀделлараша.
«Дуккхача йоазошка гӀолла вовз наха Чахкенаькъан СаӀид. Хьалхара боккха толам баьккхар цо 1963-ча шера «Дошо бӀоагӀий» яха роман язъярца. Цхьан юкъа цо къахьийгар «Сердало» газета редакце литсотрудник волаш.
ТӀеххьарча шерашка, цун керттера редактор волаш а ха яьккхар цо. Гулбеннараша йийшар цун Казахстанера хала вахар, цига текха Ӏазап дувцаш йола байташ. Дукха къахьийга, литературни вахаре хьинаре болх беш ваьха саг хиннав Чахкенаькъан СаӀид. Берашта бовза беза иштта бола къаман нах», - дийцар культуран цӀен исбахьален балха кулгалхо йолча Йовлой Хаде.
