БӀаргса эшаденнача тӀема операцен доакъашхочоа, «хьаькъал дола» гӀадж елар
Духьалара хӀама хоадолийташ, сага юхь дагайоагӀийташ, иштта кхыбола пайда беш йола «хьаькъал дола» гӀадж елар; бӀаргса эшаденнача тӀема операцен доакъашхочоа БӀарахой Ӏийсайна, «Даьхен лорбой» яхача оагӀон болхлоша. Из хоам «Сердалога» бир ганза хьалхалаттараша. «Дикка аттачахьа доаккх бӀухой хьал «Робин» яхача гӀонна чуделлача хьаькъало. Нийсача гӀолла дӀаваха гӀо деш; цул совгӀа, хьалхашка цхьа кхерам хилча, из хьахойташ йола гӀадж хургья Ӏисайца хӀанзчул тӀехьагӀа. Цунца дувзаденнараш дӀахьокхаш вола болхло - ганза кулгал ду Оздой Муслим»,- йоах хоамо.
Ӏийсай тӀема истори тамашийна долча хӀамаех дизза да. ТӀема операци йолаеннача хьалхарча дийнахьа денз, Даьхе лораеш лаьттарех ва из. 2022-ча шера ротан командир кӀалхарвоаккхача хана, чӀоагӀа човхам хилар цун дегӀа.
ТӀехьагӀо, из бахьан долаш, бӀаргса доацаш висар. Лозаваь итт ди даьнначул тӀехьагӀа мара ханзар цунна, ше де доацаш байнарашта юкъе волга, вахар хаьдачул тӀехьагӀа луш йола Денала орден еннилга.
ТӀема аренашка моастагӀчун 13 машин йохайир цо, вай 30 бӀухо кӀалхарваьккхар Даьла низаца; гучаваьккха, есарал воалавир, моастагӀашкахьа ваьнна, вай оагӀон зе деш аькхъухаш лийннар. Теркалде деза, из шозза Россе турпал аьнна белгалваьлга.
