«Турпалхочун Никъ» яха бӀухой балха оттабара программа дӀайолаеннай
ГӏалгӀайче дӀайихьар, республикан кулгалхочо Келаматанаькъан Махьмуд-Ӏаьлас кулгал а деш, Юкъарча кхела кхетаче, цига дийцар «Турпалхочун Никъ» яхача бӀухой балха тӀа харжара йола программа дӀайолалуш хиларах. Из проект дика накъайоалаш хургья лаьрххӀа йола операци дӀахьош бола бӀухой хьаллацара, цо дӀахохьоргда «Турпалхой шу» яха президента тӀадилла декхар.
«Турпалхочун Никъ» - из СВО доакъашхоша граждански вахаре шоай моттиг хоржаргйола гӀулакх да, республикан а паччахьалкхен а хургдар дегӀадоаладеча шоай говзал юкъеяккхара», - аьлар мехкадас.
ГӏалгӀайчен Кулгалхочо, Паччахьалкхено белгалдаьчча беса, из программа профессиональни оагӀорахьа ветеранаш дегӀабоалабеш хургья, цо таро лургья республикан а берригача мехка хургдолчун а юкъе шоай балха говзал йоалае. Иштта бӀухой таро хургья паччахьалкхен, доал дара даькъ тӀарча Ӏаьдала, тайп-тайпарча къахьегама тоабашка болх бе кийчо дӀаяхьа.
Республикан кулгалхочо белгалдаьккхар, паччахьалкхен аппарата болх дӀахьоча къаьстта профессионалаш, лакха бехктокхам бола нах балха юкъебаха Ӏаьдал ловш хилар.
Цига дакъа лаца йиш йолаш ба лакха дешар дийша баьнна, ГӏалгӀай мехка дӀаязбаь бола СВО ветеранаш. Цу гӀулакха лаьрххӀа йолча программан сайта анкета тӀа эссе язъе еза, цул тӀехьагӀа чакхвалара болх дӀабахьа беза. Юкъарча кхело мах оттабергба цу дехарашта, хьахоржаргба дӀахо къамаьл дара бола кандидаташ. Царех дикагӀбараш эшача хана юкъебоалабергболаш дӀаязбаь хургба, республикан болхлой царех бар духьа.
«Из программа духхьал балха оттара йола таронаш хинна Ӏац, из лоархӀаме гӀа ба вай турпалхой лерттӀа вахар вӀашагӀдолларга баьккха. Со тешаш ва, из кхоачашдаро цар вахара оагӀув дикка хьаллоацаргхиларах», - аьлар Келаматанаькъан Мухьмуд-Ӏаьлас.
