ГӀалгӀайче хьакхайкабир «Хьалхарчар кхайкарал» яхача мехка проекте котбаьннараш
ГӀалгӀайче хьакхайкабир «Хьалхарчар кхайкарал» яхача Ерригроссийски проекта моттигерча даькъ тӀа котбаьннараш, яхаш, дийцар «Сердало» газетага бувзама даькъ тӀара болх лелабеш волча говзанчас Налганаькъан Рамзана.
«Яхьашка дӀалоархӀаш хиннар дар сиха а сабаре а хилар, шоайла дагабоалаш дешархошта болх бе хар.
ЗӀамагӀча тоабанна юкъе хьалхара моттиг яьккхар Наьсарен №15 йолча юкъерча ишкола тоабо. Коталонга кхача цхьа гӀа мара ца бусаш яр Наьсарен №4 йолча ишкола тоаба. Юкъера ханаш ярех хьалхара моттиге хилар Инаркъера №12 йолча юкъерча ишколера бераш, хӀаьта шоллагӀа моттиг елар Шолжерча №2 йолча юкъерча ишкола дешархошта», - аьлар хоамо.
ЙоккхагӀа йолча тоабашца хьалхара, шоллагӀа моттигаш яьхар Наьсарен №15 йолча юкъерча ишколои Эбарг-Юртара №2 йолча юкъера ишколои.
«Даькъалабувц котбаьннараш уж Хьалхарчарех хила гӀерташ хиларах. Кхы а дӀаяхьа езаш я куран яхьаш, тхона дег чура лов тоабаш котъялар», - аьлар «Хьалхарчар болам» яхача гӀалгӀай даькъа кулгалхочо Албохчанаькъан Маринас.
