ГӀалгӀай къаман
юкъара газет

ГӀалгӀайче дездергда цӀихезача оазархочун Пхьилекъонгий Амира 85 шу дизар

Тов бутт йистебаллалца, Шолжа кхален берий библиотеке, «Вахара илли» яха книжка гойтам дӀахьоргба. Из хетабаьб гӀалгӀай оазархочунна Пхьилекъонгий Ӏабазбика Амира 85 шу дузаш хилара. Из ваьв 1938-ча шера тов бетта 2-ча дийнахьа. Ший къаманца цхьана эггара халагӀа дола вахара наькъаш нийсделар цун. ТӀехьагӀа исбахьален дешара говзал хиларах, цунна гарга яр философе уйлаш.

«Пхьилекъонгий Амир — гӀалгӀай оазархо, Россе йоазанхой Союза доакъашхо — ше мел вах дукха халонаш хьалхашка нийслуш ваьхав, цу юкъе къам мехкахдаккхар, тӀема шерашка лаьтта халонаш. Цо яздаьд массехк байташ тӀайола книжка, царга гӀолла хьагойт цо ший Даьхенцара безам, наха юкъера гӀулакх, эздел, лерхӀам, Ӏалама хозле, наха юкъера барт. Амира уллув лаьттача наха дика мах оттабора цун кхоллама, царна дика довзар цун литературни кхоллама мугӀараш, цкъа белгалдаь Ӏийнадац цунна карагӀдоалаш хиннар, цо тайп-тайпарча вахара шерашка яздаь поэзе мугӀараш», — аьлар «Сердало» газетага книжкай гойтам вӀашагӀбеллараша.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде