Соцамо белгалдир 1990 шера аьтинга бетта 12 ди Росси меттаоттарца дувзаденна Ди хилар, цига хӀара сага бокъо я лерттӀа ваха, паргӀатта дегӀава. Вай къаман боча да Россе цхьоагӀон цӀай. Дукха баьхкача хьаьшаша, цар бехктокхаме хиларо цун боккха лерхӀам хилар гойт.

Тахан кхийнарий наькъ тӀа боалаш, Российски Федерацен вахархочун паспорт ГӏалгӀай Республикан кулгалхочунгара Келаматанаькъан Махьмуд-Ӏаьлагара хьаийцар Вешкаранаькъан Ӏумара, Келаматанаькъан Фатимас, Еремов Адама, Дзейтанаькъан Камиляс», - аьлар «Сердало» газетага цу моттиге.

Дагахьа дика уйлаш йитар хьожаш хиннарий гӀазкхий хоро, цар дӀааьлар вай заман чухь дика довзаш дола «Нана-лаьтта» яха илли. Иштта сцена тӀа ваьнна хилар Балай Мухьмад-«ГӀовттаргда», берий хор, кхалнаьха вокальни тоаба «Дека илли», Паччахьалкхен филармоне солисташ Охценаькъан Роза - «Шатлакх Россена», Налганаькъан Лема - «Тхо гӀалгӀай лаьттара бераш да», Хьоашаланаькъан Лолита - «Росси», Эккажанаькъан Роза - «Росси баьцилгаца», Мусенаькъан Алина-«ГӏалгӀайче», Йовлой Хьава- «Са фусаме сийрда я».