Ӏаьдало бахархошца бувзам лелабарах, пайда боал
ГӀалгӀайчен паччахьалкхено белгалдир, доал деча даькъ тӀарча Ӏаьдало шахьара, юрта, кхален бахархошца бувзам лелабеш хилар, яхаш, хоам бу «Сердало» газетага республикан министрий кабинето.
«Магас» яхача къаман канале гӀолла, маьцхали бетта денз, дӀахьош я «Муниципальни сахьат» яха программа. Цунга гӀолла шоайла бувзам ба телехьажархой шахьарий, юртий кулгалхошца. Бахархой таро я, хӀанз укх сахьате йолча хана, шоаш бахача юрта нийслуш долча кхоачамбоацарех дувца», - йоах хоамо.
Иштта Къоастой Ӏаддал-Хьамида, Инаркъерча Укуранаькъан урамагӀа бахача наьха хаттара жоп луш, шин кӀира цар дехар кхоачашдергда аьннадар; ишкола, маьждига тӀабода никъ тоабеш. Ше денна дош кхоачашдир МагӀалбика кхален администраце, берригача урам тӀа асфальт Ӏобиллар.
Цул совгӀа, асфальт Ӏобуллача хана Укуранькъан цӀерагӀча урам тӀа бахача наха дийхар тӀехьара тӀа, Ӏоахарганаькъан урам а тоабар. Урамаш тоадеш, никъ Ӏобилла безаш хинна дӀоахал 400 метр дар хӀара урам тӀа. Говзанчаша яхачох, цхьан итт шера укхаза кхы бӀехал а колдаш а фуй ховргдац наха. Шаьра биллача наькъо гӀадбуг юрта баха къонабараш а, уж шоай велосипедашца моттигерча номер 23 йолча ишколе а физкультурно-унахцӀенон комплексе а ух.
