«Тахан цига хиннача хьаьшашта дайра, ше ма ярра йолча искусствон дикал. Абуязита хьамсарча коллективо кийчъяьяр театра хоза оагӀув, цига керттера хьажархо вар, ваь ди дола актёр. Дицлургдоацаш дар «ГӏалгӀайче» яхача халкъа халхара Паччахьалкхен ансамбла гойта концерт, иштта «Театра ВУЗе деша оттар» яха зӀамига гойтам. ЦӀай долаш, ГӏалгӀай Республикан ГРГМДТ хореографагара ДжабагӀанаькъан Яхегара дола инде къаман халхар, иштта МарзагӀанаькъан Тамарас, Овшанаькъан Зарас, Абаьданаькъан Ӏалихана, Беканаькъан Рахьмана йовзийтар ашарий оагӀонаш», - аьлар ГӏалгӀай Республикан театра керттерча режиссёра Лаьнанаькъан Ахьмада.

Цу лоархӀамеча дийнахьа, артист ваьча денца даькъал вувцаш дукха бар, кхыча республикашкара баьхка хьаьший а болаш. Даьха ловцаш хьаллоацаш бар, 2003 шера денз, цо кулгал деча ГӏалгӀай Республикан театра болхлой Союза викалаш а.

Белгалду, ГӀайсанаькъан Султан дика вовзаш ва «Гамлет», «Баьшерен боадонгара», «Мизантроп», «Хьажмурд», «Зулам а таӀазар дар а» яхача спектаклех.