ГӏалгӀай мехка «Фусамаш, шахьара хьалаш» яхача проектах дийцар
ГӏалгӀай мехка чаккхе йир «Фусамаш, шахьара хьалаш» яха проект кхоачашъеш, ялх шера баьча балха, цу юкъа 3,7 млрд сом дӀадахадар, яхаш, дийцар ГӏалгӀай Республикан кулгалхочун Паччахьалкхен зарбан болх лелабераша.
«Стимул» яхача программа чудоагӀаш, Магасе, Яндаре кхоъ ишкола, кхоъ берий беш хьалъяьй, из бахьан долаш 1 948 дешархошта керда моттигаш хилар,иштта 630 деша даха ха йоацарашта.
Шиъ машина никъ Ӏобиллар Наьсаре, Магасе 5км гаргга. Цул совгӀа, укх шерашка 1 млн кв.м. керда фусамаш хьалйир, цу юкъе 476,5 эзар кв. м вӀаштӀара яь квартираш а йолаш. Ийс доал дара доазон тӀа «Шахьара дика хьалаш хьакхоллар» яхача проекта чудоагӀаш 190 юкъара моттиг тоаяьй ГӏалгӀайчен ерригача шахьарашка, кхаленашка.
Цул совгӀа, «Цӏена хиш» яхача федеральни проекта чудоагӀаш тоаяьй, хьал а яьй 10 хин моттиг, 32 км хий чудиллад. Эггара лоархӀамегӀа дар да 19 хин бурув теха хилар, пхиъ хий лорадара моттигаш хьаяьй. Иштта, дукхача хана денз, наха дагайоаллаш хинна Альтий-Юртара хий лорадеш йола моттиг тоаяьй, кердаяьккхай.
