Юрташкара, шахьарашкара урамаш аргӀ-аргӀагӀа тоадеш латт
19.03.2024 09:32
Шо-шоай аргӀагӀа тоадеш латт вай мехкарча юртий, шахьарий урамаш. Шолжа-Шахьарерча Восточни оалача моттигера, 80 метрага кхоачаш болча урама куц тоадеш баьхкар болхлой. Из хоам «Сердало» газетага бир шахьара администраце.
«Урама бахархошта доккха совгӀат хиннад, цу беркатеча хувцамах. Никъ, бӀарг тӀаотташ, хоза, шаьра ба. Басарашца оасаш даь йистебаьлар болхлой. Шахьара кулгал деча Ӏумаранаькъан Аслана, цун гӀонча волча Сейнарой Бахьаудина дийцар цига дӀабихьача балхах», - йоах тхогарча хоамо.
«Бахархой хьал аттачахьа доаккхаш ба керда никъ. Берашта, боккхийча наха доккха совгӀат хиннад цох», - аьлар Ӏумаранаькъан Аслана. Нах бахача цу моттигера, иштта хоза куц тоадаь, шоллагӀа урам ба из.
