Полицейски бехктокхаме озаргва, харцо ювцарах
07.03.2024 10:05
СК тохкамхоша уголовни гӀулакх хьадийллад полице болхлочоа, ший балха тӀа кхоачамбоацараш нийсдалийтарах, яхаш, дийцар «Сердало» газетага ГӀалгӀай Республике гӀолла йолча Россе тохкама комитете.
«Полице болхлочоа духьала уголовни гӀулакх хьадийллад ГӀалгӀай Республике гӀолла йолча Россе УФСБ хьем боаццаш лахара болх дӀахьош йолча материалах. Тохкам беш болча Ӏаьдала болхлоша яхачох, 2022 шера зулам даь моттиг гучаяьккхай аьнна, ший балха тӀара хьокхамаш лакхдара, хьаделланза долча шин уголовни гӀулакхах протокол оттадаьд; бехкебараш шоаш хьатӀабаьхка хиннаб, аьнна. Зуламхой цӀераш, шийгара дага а еха, ӀотӀаязъяьй», - йоах хоамо.
Бокъонаш лораераш из деррига гӀулакх тохкаш ба.
