Хоржамашцарча бокъонех бола кхетам лакхбир кагирхошта юкъе
Хоржамашца ювзаеннача бокъонашцара кхетама хьал лакхдеш ба тахан, мехкарча кагирхошта юкъе. Тайп-тайпарча дешара моттигашкара студенташ гулбаь, хаттарий кхетаче-къовсам дӏабихьар доал дара гӏулакхах, туризмах йолча къамашта юкъерча колледже. «Сердалога» из хоам Шолжа кхален администраце бир.
«Шолжа-Шахьарерча унахцӏенон оагӏонцарча гӏулакхех, технологех йолча Ставропольски техникумера; Къилбаседа Кавказа таханарча унахцӏенон оагӏонцарча гӏулакхех, технологех йолча колледжа студенташ бар гулбеннарашта шоай кхетама хьал гойташ хиннараш.
Кхелахошта юкъе бар шахьарерча Хоржама комиссе доакъашхой Гӏулой Ибрахӏим, Шовхаланаькъан Ахьмад, кхален администраце кулгалхочун гӏонча Цӏечой Беслан, кагирхой кхела кулгалду Галай Илез, иштта цу оагӏонцара керттера болхло вола Тӏумхой Мухьмад», - дийцар тхога.
Белгалъяь тема дикка йоаржаеш, шоай еррига говзал гучайоаккхаш бар цу кхетаче хинна кагирхой.
