Вайцига дӀахьош ба, зӀамагӀболча дешархоех Россе аьрзелгаш хургйола болх
Укх деношка, «Хьалхарчар Болама» керттерча кулгалхоех болча викалаша дакъа лоацаш, СоагӀапчарча №8 йолча ишколе лаьрххӀа йола кхетаче хилар, яхаш, дийцар «Сердало» газетага цу дешара моттиге.
«ГӀалгӀай республике гӀолла йолча къонача эскархой штаба кулгалхо Бохтаранаькъан Мадина, «Хьалхарчар Болам» яхача моттигерча даькъа Совета кулгалхо Албохчанаькъан Марина лаьрххӀа цу кхетаче баха хилар, российски болама доакъашхой цу денца даькъалабувца. Из ди, чӀоагӀа раьза болаш, дегагӀозаца дӀадихьар зӀамигача аьрзелгаша, боккхагӀа бола новкъостий бовзийташ», - йоах хоамо.
«Аьрзелгаш, массайолча хана хьалха хийла шо, хӀама довзара, Даьхе езара, массадолча гӀулакхашка дикагӀдараш хилара тӀакхувш. Аьрзелгий вахаре хӀара баьккха гӀа иразе хилба, коталонах биза хилба», - аьлар Албохчанаькъан Маринас.
