Курски областерча наха яхьийта хӀамаш кийчъеш ба вай мехкахой
Халача хьале эттача Курски областерча наха гӀо де ураовтта тӀахьехаш кхайкарал даь, РФ регионашта юкъера эггара хьалхара кулгалхо ва вай мехкада Келаматанаькъан Махьмуд-Ӏаьла. Къаман фронто бир тхога из хоам.
Хатар хиннача шоллагӀча дийнахьа, дӀаболабелар вай мехка хӀамаш гулъе.
«Курски областерча складашка дӀахьожаяьй республикерча Россе кхерамзлен гӀулакхех болча федеральни оагӀоно хьаенна 13 тонн хӀамаш.
Цига дӀа-хьа екъаргья уж лаьрхӀа оттабаьча наха.
Кхача, цкъара лелаю пхьегӀаш, иштта хӀара дийнахьа эшаш бола тайп-тайпара кхоачам ба царна юкъе», - дийцар «Сердало» газетага Къаман фронта исполкома кулгал деча Тенканаькъан Башира.
«Деррига а котало бахьан» яха гӀулакх хьаллаца йиш йолаш ва моллагӀа саг. Курски областера нах, тахан вай даь моллагӀа новкъостал эшача хьале кхаьчаб.
