Гӏалгӏай мехка хӏанз а лохаш ва Эсо ӏовихьа маӏа саг
29.07.2026 15:18
Гӏалгӏайчен Шолжа кхале дӏахо а дӏахьош ба Эса тӏа лахара-кӏалхарваккхара болх. МЧСа говзанчаша, вӏалла юха ца соцабеш, болх бу хий тохкаш, Оалкама йисте хиво ӏо вихьа маӏа саг лохаш. Из хоам «Сердало» газетага бу республикан чоалханеча хьалий боахаме.
Тхога хоам баьчо яхачох, МЧСа говзанчаша из саг лахара дола доазув шердаьд. Из лахара юкъеяьлар моттигера массехк лахара-кӏалхарваккхара тоаба: «Эрше», «Аьрзи», «ӏарамхи». Юкъара цига къахьегаш ва 23 саг, 4 лаьрххӏа йола техника.
Говзанчаша, хӏара гӏа бусташ, тохкаш ба хин бух, юхера моттигаш, доазонаш. Из болх дӏабахьа хала ба лоамара доагӏа хий сиха а геттара шийла а хиларах. Из гӏулакх чакхдаллалца лахара-кӏалхарваккхара викалаша шоай болх дӏахьоргба.
