«Кхетаче дӀахьош, гулбеннарашта бовзийтар поэта кхоллам, цунна карагӀдаьннараш. Укхаза хозаш дар поэтически мугӀараш. Гамзатов Расула хӀара нанна, хӀара дезала хетаяь, безамах, доттагӀалах, халкъа бувзамех дувцаш байташ я. Гулбеннарашта лаьрхӀа гойтам а кийчбаьбар. Гамзатов Расул поэзе йоккха ганз я. Цо яздора халкъа а халкъах а. Вайх хӀаранена дунен тӀара беррига безам, машар, дикадар луш дар цун мугӀараш»,- аьлар «Сердало» газетага ГӀажарий-Юртарча культуран цӀен исбахьален кулгалхочо Овшанаькъан Захьирата. Гамзатов Расула Кавказе а ерригача Россе а дӀайовргйоаца литературан лар йитай. Цун кхоллам, тӀехьа тӀайоагӀача вай тӀехьенга а кхоачаш, бахаргба.