ДӀадахача бӀаьшерен гӀалгӀайчен гӀала хьисапе хьадаь дошо куц фестивала керттера совгӀат да. Ийс даькъе шоай балхаш гойтаргда Белоруссе, Бразиле, Великобритане, Германе,Чешски Республико, Инде, Испане, Казахстана, Китая, Кыргызстана, Таджикистана, Къулбехьарча ХӀирийчен, Россе кино доаккхараша. Вай республико гойтаргда кхо фильм. Уж да- Саганаькъан Муслима «ТӀехьале», Коазой Мадинай «Даха илли, даха!», Зортанаькъан Мадинай «ДагадоагӀаргдолаш». «Дошо гӀала» гуйран лоархӀамеча хана я. Цу тайпара йоккха кхетаче дӀаяхьаро «Культура» яха къаман проект кхоачашъе таро хулийт. Цунна хьакъоастаяь дукха моттиг я. Сона ловра, укх шера, ма хулла дукхагӀа республика хьаьшашта, бахархошта моттигерча доакъашхой а, иштта арахьарча цӀихезача режиссерий а балхаш бӀаргагор. Хоза кхетаче а дукха фильмаш а хургда цига. ГӀадвугаш да хӀара шера, «Дошо гӀала» яхача фестивале дакъа лоацаш бараш дукхагӀа хулаш латтар. Из да «Дошо гӀала» дукхагӀа дӀайовзаш латтилга Россе меттел, доазол арахьа а», - аьлар Келаматанаькъан Махьмуд-Ӏаьлас.