Дукха безача иллиалархой концерт
Кино, театра, таханарча заман киноцарча хьала Центра артисташа ГӀалгӀайчен бахархой гӀадбигар; къаьнарча иллешца, сакъердамеча ловзарашца, из дӀадихьар Наьсарен культуран ЦӀагӀа.
«Къаьнарча иллей сайре» яха концерт дӀадоладелар 15 сахьат даьлча, дукхача хана денз бовзаш а безаш а бола иллиалархой байра цига хьажархошта. Укхаза хаза йиш яр «Ювца со» яха Эккажанаькъан Розай илли, ше дӀа а оалаш; «Аьрзи» яха цун композици. «ГӀала» яха илли дӀааьлар из яздаьча ЦӀечой Жаннате; центра ашархоша дӀалокхаш, кхы а дукха ашараш хезар концерте», - аьлар «Сердало» газетага ГӀалгӀайчен культуран Министерстве.
Кагирхой таро яр «Пушкински картах» цига баха. Царна федеральни программо бокъо лу, 22 шу даллалца, паччахьалкхен чотах культуран кхетаченашка аха: концерташка, гойтамашка, спектаклашка.
