ГIалгIай мехка хилар «Дегагара дегага» яха дикача гIулакхий сайре
«Оазис» оалача ресторане хилар, дикача гIулакхий «Дегагара дегага» яха сайре, из кийчъяьраш бар «ГIалгIай республикан камаьршача наьха клуба» доакъашхой. Из хоам газетага бир сайре дIайихьача моттигера.
Столицан дог долча моттиге; гулбеннабар культуран, спорта болхлой, шоай доалахьара хIама хьадераш, журналисташ, политикаш, иштта йIаьххача хана ювцача Клуба гIо деш, хьаллоацаш хьабоагIараш. Кхетачен доазонашка йовзийтар «Со – донор», «ЛерхIачунга кхачар», «Тхо юхе да», «Баьццара лампа» яха йоккха проекташ.
Сайре дIахохьош, вIашагIкхийттараша дакъа лаьцар тайп-тайпарча хаттарашта жоп луча яхье, нийса жоп деннарашта лорий центраша, кхоллама пхьоалленаша, тикаша а ресторанаша а совгIатий сертификаташ телар.
Иштта боккхача безамца дакъа лаьцар гулбеннараша тIаьрга юкъе, из бахьан долаш дикка ахча гулдир, цига вIашагIкхийтта хIама дIадахийта лерхI хала цамогаш долча берашта дарба дара.