Биъ мохк вӀашагӀтохара хетабаь болам дӀабихьар вай мехка
30.09.2024 15:09
Таханара ди Луганск, Донецк, Запорожски, Херсонски кхалеш Россех хьакхийтта Ди лоархӀаш да. Цу гӀулакха хетабаь болам дӀабихьар Шолжа-Шахьарерча МЧС колледжа студенташа. Из хоам «Сердалога» бир цу моттигера.
«Россе моттигаш 89 хиларца дувзадаь, уж таьрахьаш хьахьокхаш, мугӀ баь дӀаэттар студенташ. Таханарча боламо хьагойт, Россе къамаш шоайла бувзам, барт болаш даха дезилга, Даьхен сий дар лоархӀаме долга», - дийцар тхога.
Белгалде деза, иштта дӀакхухьача кхетаченаша кхувш латтача тӀехьен мехкацара безам чӀоагӀбелга.
