«Тайп-тайпарча ханашка кхаьчача наха юкъера барт, бувзам, безам чIоагIбеш ди хилар цох. Берий цхьанкхетара доакъашхоша хоза масал лу кхувш латтарашта, гIо де кийча болаш, шоашта тIадилла гIулакх бехктокхаме чакхдоаккхаш, хьабоагIарех ба уж.

Цар дегашка чIоагIду Даьхе езар, лархIар, хIама Iомадарца, къахьегарца чам хилар. Россе кхоанен юкъе дакъа лоацаш, шоай мехка гIулакха латта кийча болаш, хьабоагIа уж», - дийцар «Сердалога» шахьарерча администраце.

Дешархой болабаларга хьожаш бар МагIалбика бахархой. Бера хана шоай вахаре хинна пионерий гIулакхаш, фаташ етташ, зурма локхаш, шоаша гIа баьха ха дагаухаш лаьттар боккхийбараш.