ГӏалгӀай мехка таьзета кхетаче хилар, мехкахбаьха нах дагалаьца
23.02.2025 15:07
Наьсарерча дагалоаттама сийлен Мемориале таьзета кхетаче хилар, из хетаяь яр гӀалгӀай къам мехкахдаьккха 81 шу дизара.
Цига дакъа лоацаш вар ГӏалгӀайчен кулгалхо Келаматанаькъан Махьмуд-Ӏаьла, моттигера Ӏаьдал, юкъара цхьанкхетараш, дин викалаш. Доакъашхоша, мовлат дешаш, маьл кхайкабир (дуӀа деш) Сибре бейнарашта. Из къам а цун бала а цхьана хилара белгало яр.
Гулбеннарашта гойтар Мемориала музеера мехкахбаьхача наха хетадаь балхаш.
Белгалду, укх деношка массадолча республикан доккхийча маьждигашка балан кхетаченаш дӀайихьар,цар маӀан дар - мехкахбаьха вай бейнараш биццабар.
