Ӏаьдала болхлой юкъе бола, кагирхошта лаьрхӀа кхетаче дӀайихьар мехка
«Кхераме йоаца интернет. 14 шу даьлча зуламхо хургвоацаш Ӏаьдала бокъонаш лоархӀаш мишта вахаргва» яха кхетаче дӀайихьар республике. Цига дакъа лоацаш бар дешархой, студенташ, хьехархой, Ӏаьдала болхлой.
ВӀашагӀкхетаре дийцар, кагирхой интернетацарча кхетамах, ларал тӀех ца боалаш, цу чура гӀулакх лорадарах. Эггара хьалхарча даькъе теркалдир Ӏаьдала болхлоша, интернета оагӀонашка даьржа дола, наьха сайташка бокъо йоацача тайпара чубувлар. Кагирхошта хьехар деш бар Росгварде оагӀон кулгалхочун гӀонча вола Исмейланаькъан Аслан; терроризм, экстремизм яхача зулама духьала къовсам лоаттабеча оагӀон болхло Воронцов Виктор; иштта тӀема операцен юкъе дакъа лоацаш хинна Бохтаранаькъан Батыр.
ШоллагӀча даькъе, тоабашта бекъабенна, вахаре нийслуш дола цхьаццадараш доашхаш, нийса никъ хоржаш хилар гулбеннараш. «Кхераме йоаца интернет» яха кхетаче массане пайда эцаш хилар», - белгалдир цига дакъа лоацаш хиннача Аькхенаькъан Мадинас.
