Ерригача Россен, куран лоархIам бола бархI яхь дIайихьай вай мехка
Физически культурахи спортахи йолча мехкарча министерствос укх шера дIайихьар 4 ерригача Россе, 4 Къилбаседа Кавказа спорта яхьаш. Цу юкъе дакъа лоацаш хилар 2 508 саг.
Из хоам «Сердало» газетага бир республикан Мехкадаь а Паччахьалкхен а зарбан болхлоша. 1 028 саг къамашта юкъерча яхьашка дакъа лоацаш хилар, моттигерча – 1 419, дерригача дунен яхьашка дакъа лаьцараш – 61,78.
Йоккхий, лоархIаме спорта кхетачеш я дIайихьараш. Белгалде деза, спорта хьал тоадеш, бахархошта юкъе из гIулакх чIоагIдеш бола болх вай мехка тIатеIIа дIахьош латтилга. Къамашта юкъерча, дунен яхьашка дакъа лоацарий аьттув ба шоай начIал дерригача дуненна дIагойта, лоархIамеча къовсаме бала.
Вай регионерча спорта гIулакха дикка пайда хул цох. Вай Мехкадас белгалдир, спорто сага дегI, оамалаш, низ тоаделга, къаьстта кагирхошта из чIоагIа лоархIаме долга. Яхьашка дакъа лаьцарашта, уж дIахьош къахьийгарашта доккха баркал аьлар вай Мехкадас.
