«Денала никъ Z» яха тӀема-патриотически болам дӀахьоргба вайцига
10.10.2024 14:17
ГӀалгӀай мехка дика таронаш хьакхоллаш я кагирхошта лаьрхӀа. Из деррига а деш да уж физически, кхоллама, кхетам балара даькъ тӀа дика дегӀабоалабе дагахьа. Цу тайпара, хьатӀадоагӀача кӀира республике тӀема-патриотически, спорта «Денала никъ Z» яха болам дӀахьоргба, яхаш, дийцар «Сердало» газетага ГӀалгӀай Республикан кагирхой политикан, туризма Министерствос.
«Ерригача Къилбаседа Кавказа федеральни даькъ тӀара баьхкача наха цига гойтаргда «Мужече» яхача спортивни-тренировочни центре шоашта карагӀдоалар. Яхьаш дӀахьош хургья, пхи саг чувоагӀаш йола тоаба», - аьлар цигарча болхлоша.
Белгалду, из кхетаче дӀахьош я, Россе кагирхой грант а енна, хьаллаьца хиннача БӀарахой Мухьмада проекта чуйоагӀаш.
