Палестинера бехача нахаца, экскурси дӀайихьар вай мехка
Магасе гӀолла экскурси дӀайихьар Палестинера бехача нахаца; шахьарерча культурахи, спортахи, туризмахи болча оагӀон болхлоша, «Консал» яхача компанеца. Из хоам «Сердалога» бир культурах болча оагӀон кулгалхочун гӀонча волча Янданаькъан Абте.
«Экскурси дӀайолайир дунен эггара лакхагӀа йолча Магасерча гӀала чура. Музеерча кхоачамо, фусамерча сага дувцачо дикагӀа довзийтар царна вай къаман истори. Электромобилаш оалача машинашца шахьарерча тайп-тайпарча паччахьалкхен моттигашка, мэре гобоахаш, шахьара вахар дайзар царна», - дийцар тха газетага.
«ЦКСиТ оагӀон тоабо, мехка кхыболча бахархоша санна, шоашта могар ду, Палестинерча берий дог хьаста, царца безам бекъа гӀерташ. Цу зӀамигача гӀулакхо хьагойт, мел лоархӀаме да вӀаший барт, безам болаш бахар, хоза гӀулакхаш леладар.
