Гӏалгӏайче дӏахьош я дезала спортивни кхетаче
Гӏалгӏайче дӏахьош я «Дезала тоаба» яха спортивни кхетаче. Шолжа керттерча боаринга тӏа вӏашагӏтехар республикан тайп-тайпара ишколаш, цар даьй-ноаной. Из вӏашагӏкхетар диза хургда спортивни яхьах, цига берригача доакъашхой таро хургья шоай низ, тоабанцара чӏоагӏо гойта. Кхетаче дӏаяхьар вӏашагӏделлар «Хьалхарчар болам» ба. Проекто тӏахьех дезалера мах бараш лорадара, иштта нийса вахара никъ лелабара. Дӏадахача шера денз, «Дезалера тоаба» юкъейоалаяьй «Хьалхарчар тӏахьехам» яхача ерригроссийски программанна.
«Сердало» газетага ма аллара, спортивни хьал вӏашагӏделлараша доакъашхошта кийчъяьй вадара, низа оагӏонаш; эстафеташ, сиха хилара яхьаш, иштта хьаькъала викторинаш; тоабацара ловзараш. Къаьстта декхараш хьалхашка оттадаьд боккхагӏбарашта.
Из цӏай сийрдадоаккхаш яр цига дакъа лоацаш хинна «Шолже» ансамбль, цул тӏехьагӏа тоабаш дӏа-юха йийкъар доакъошта юкъе, хӏаьта уж шоай аргӏагӏа къовсама юкъеяьлар. Зӏамагӏбараш кхоабир 100 метр бовда, шоай сиха хилара борал гойта, цу юкъа цар даьй-ноаной яхьебаьлар хьаькъалеча ловзарашка.
Уж яхьаш чакхъяллалца бераш, боккхийбараш накъабоахаш хургба говзал йола хьехамчаш, инструктораш, хӏаьта ловзаш барашта из боккъонцахьа дола цӏай да.
Шолжа шахьара администраце дӏайха даар, хий лоаттаду, цар ӏалашо яьй фестивала 1000 доакъашхочоа.
