ГӀалгӀай къаман
юкъара газет

Кердадараш

«Классера кхетаченаш» дӀакхухь вай дешархошца

Доккха толамаш доахаш, шоаш хьаийцача наькъ тӀа хьинаре къахьегаш болча кагирхошца кхетаченаш дӀакхухь дешархоша «Хьахарчра болам» яхача ерригача Россе берий, кагирхой мехка оагӀон доакъашхоша.

Укх наькъа, Эбарга-Юртарча № 1 йолча ишкола дешархошца кхетаче е вийхар вар Даьла духьа гӀо деш лелача наьха оагӀонна кулгал деш вола Галай Назир. Из хоам «Сердало» газетага бир цу моттигерча зарбан болх лелабераша.

«БархӀ шу совгӀа ха я Галай Назира цу моттиге къахьега. Цу юкъа цунна дукха дайзад, Даьла духьа гӀо деш лелача наьха вахарера, дуккхача лоархӀамеча хӀамай зем баьккхаб. Дешархошца къамаьл деш, Назира дийцар, «гӀо деш вар» яха дешаш ший вахаре мишта гучадаьлар. Цу оагӀонца болх беш даьхача толамех, малагӀча хӀамаех лоравала веза из болх дӀахьош, дийцар цо дешархошта», - йоах тхогарча хоамо.

Йоккха терко тӀайохийташ дийцар кагирхой гӀулакхех йолча комитете болх беш йолча грантови проекташ оттае, йоаржае Ӏомабеш йолча проектни ишколах.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде